Bhagavad Gita: ଅଧ୍ୟାୟ 18, ଶ୍ଲୋକ 61

ପରବର୍ତ୍ତୀ »

ଈଶ୍ୱରଃ ସର୍ବଭୂତାନାଂ ହୃଦ୍ଦେଶେଽର୍ଜୁନ ତିଷ୍ଠତି ।
ଭ୍ରାମୟନ୍ ସର୍ବଭୂତାନି ଯନ୍ତ୍ରାରୁଢ଼ାନି ମାୟୟା ।।୬୧।।

ଈଶ୍ୱରଃ-ପରମେଶ୍ୱର; ସର୍ବଭୂତାନାଂ-ସମସ୍ତ ଜୀବଙ୍କର; ହୃଦ୍‌ଦେଶେ-ହୃଦୟରେ; ଅର୍ଜୁନ -ହେ ଅର୍ଜୁନ; ତିଷ୍ଠତି-ରହନ୍ତି; ଭ୍ରାମୟନ୍‌-ଘୂରାଉ ଥାଆନ୍ତି; ସର୍ବଭୂତାନି-ସମସ୍ତ ଜୀବଙ୍କୁ; ଯନ୍ତ୍ର-ଆରୂଢ଼ାନି -ଯନ୍ତ୍ରରେ ବସାଇ; ମାୟୟା -ମାୟାଶକ୍ତିରେ ନିର୍ମିତ ।

ଅନୁବାଦ

BG 18.61: ହେ ଅର୍ଜୁନ ! ପରମାତ୍ମା ସମସ୍ତଙ୍କ ହୃଦୟରେ ନିବାସ କରନ୍ତି । ଜୀବର କର୍ମ ଅନୁସାରେ, ମାୟାଶକ୍ତି ଦ୍ୱାରା ନିର୍ମିତ ଏକ ଯନ୍ତ୍ରରେ ବସାଇ, ସେ ତା’ର ଇତସ୍ତତଃ ଭ୍ରମଣକୁ ନିର୍ଦ୍ଦେଶିତ କରିଥାଆନ୍ତି ।

ଭାଷ୍ୟ

ଆତ୍ମାର ପରମାତ୍ମାଙ୍କ ଉପରେ ନିର୍ଭରଶୀଳତା ଉପରେ ଗୁରୁତ୍ୱାରୋପଣ କରି ଶ୍ରୀକୃଷ୍ଣ କହୁଛନ୍ତି, “ଅର୍ଜୁନ, ତୁମେ ମୋର ଆଜ୍ଞା ପାଳନ କରିବାକୁ ଇଚ୍ଛା କର ବା ନ କର, ତୁମେ ସର୍ବଦା ମୋର ନିୟନ୍ତ୍ରଣାଧୀନ ରହିବ । ତୁମେ ବାସ କରୁଥିବା ଶରୀର ମାୟା ଶକ୍ତିରୁ ଗଠିତ । ପୂର୍ବ କର୍ମ ଅନୁସାରେ, ତୁମେ ଯେଉଁ ଶରୀର ପାଇବାକୁ ଯୋଗ୍ୟ, ତାହା ମୁଁ ତୁମକୁ ପ୍ରଦାନ କରିଛି । ମୁଁ ସେଠାରେ ମଧ୍ୟ ଅଛି ଏବଂ ତୁମର ସମସ୍ତ ବିଚାର, ବାଣୀ ଏବଂ କର୍ମକୁ ମୁଁ ଲିପିବଦ୍ଧ କରୁଛି । ତେଣୁ ବର୍ତ୍ତମାନ ତୁମେ ଯାହା କରୁଛ ମୁଁ ତାହା ମଧ୍ୟ ଲକ୍ଷ୍ୟ କରି ତୁମର ଭବିଷ୍ୟତ ନିର୍ଦ୍ଧାରଣ କରିବି । କୌଣସି ପରିସ୍ଥିତିରେ ମଧ୍ୟ ତୁମେ ନିଜକୁ ମୋ ଠାରୁ ସ୍ୱାଧୀନ ବୋଲି ପରିକଳ୍ପନା କରନାହିଁ । ତେଣୁ ହେ ଅର୍ଜୁନ! ତୁମେ ନିଜ ସ୍ୱାର୍ଥ ଦୃଷ୍ଟିରୁ ମୋର ଶରଣାଗତ ହେବା ଆବଶ୍ୟକ ।

« Prev verse

Next verse »

18. ମୋକ୍ଷ ସନ୍ୟାସ ଯୋଗ

‹ ଅଧ୍ୟାୟ 18

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78