Bhagavad Gita: ଅଧ୍ୟାୟ 18, ଶ୍ଲୋକ 75

ପରବର୍ତ୍ତୀ »

ବ୍ୟାସପ୍ରସାଦାଚ୍ଛ୍ରୁତବାନେତଦ୍‌ଗୁହ୍ୟମହଂ ପରମ୍ ।
ଯୋଗଂ ଯୋଗେଶ୍ୱରାତ୍ କୃଷ୍ଣାତ୍ ସାକ୍ଷାତ୍‌କଥୟତଃ ସ୍ୱୟମ୍ ।।୭୫।।

ବ୍ୟାସ ପ୍ରସାଦାତ୍‌- ବ୍ୟାସଦେବଙ୍କ କୃପାରୁ; ଶ୍ରୁତବାନ୍‌-ଶୁଣିଲି; ଏତତ୍‌-ଏହା; ଗୁହ୍ୟ-ଗୁଢ଼ ତଥ୍ୟ; ଅହଂ-ମୁଁ; ପରମ୍‌-ଶ୍ରେଷ୍ଠ; ଯୋଗଂ-ଯୋଗ; ଯୋଗେଶ୍ୱରାତ୍‌-ଯୋଗେଶ୍ୱରଙ୍କ ଠାରୁ; କୃଷ୍ଣାତ୍‌-କୃଷ୍ଣଙ୍କଠାରୁ; ସାକ୍ଷାତ୍‌-ପ୍ରତ୍ୟକ୍ଷଭାବେ; କଥୟତଃ-କହୁଥିବା; ସ୍ୱୟମ୍‌-ସ୍ୱୟଂ ।

ଅନୁବାଦ

BG 18.75: ମହର୍ଷି ବେଦବ୍ୟାସଙ୍କ କୃପାରୁ ଯୋଗର ଏହି ସର୍ବୋଚ୍ଚ ଏବଂ ଗୁଢ଼ ଜ୍ଞାନ, ମୁଁ ଯୋଗେଶ୍ୱର ସ୍ୱୟଂ ଶ୍ରୀକୃଷ୍ଣଙ୍କ ଠାରୁ ଶୁଣିବାକୁ ପାଇଲି ।

ଭାଷ୍ୟ

ଶ୍ରୀକୃଷ୍ଣ ଦ୍ୱୈପାୟନ ବ୍ୟାସଦେବ, ଯିଏ ମହର୍ଷି ବେଦବ୍ୟାସ ନାମରେ ବିଖ୍ୟାତ, ସଞ୍ଜୟଙ୍କର ଆଧ୍ୟାତ୍ମିକ ଗୁରୁ ଥିଲେ । ଗୁରୁଙ୍କ କୃପାରୁ ସଞ୍ଜୟଙ୍କୁ ହସ୍ତିନାପୁର ରାଜପ୍ରାସାଦରେ ରହି, କୁରୁକ୍ଷେତ୍ରର ଯୁଦ୍ଧଭୂମିରେ ଘଟୁଥିବା ଘଟଣାବଳୀକୁ ଦେଖିପାରିବାର ଅଲୌକିକ ଶକ୍ତି ପ୍ରାପ୍ତ ହୋଇଥିଲା । ସଞ୍ଜୟ ଏଠାରେ ସ୍ୱୀକାର କରୁଛନ୍ତି ଯେ ତାଙ୍କ ଗୁରୁଙ୍କ କୃପାରୁ ହିଁ ସେ ଏହି ସର୍ବୋଚ୍ଚ ଯୋଗ ବିଜ୍ଞାନ ସ୍ୱୟଂ ଯୋଗେଶ୍ୱର ଶ୍ରୀକୃଷ୍ଣଙ୍କ ଠାରୁ ଶୁଣିବାର ସୁଯୋଗ ପାଇଲେ ।

ବ୍ରହ୍ମସୂତ୍ର, ପୁରାଣ, ମହାଭାରତ ଇତ୍ୟାଦିର ରଚୟିତା ବେଦବ୍ୟାସ ଭଗବାନଙ୍କର ଅବତାର ଥିଲେ ଏବଂ ସେ ନିଜେ ଅଲୌକିକ ଶକ୍ତିର ଅଧିକାରୀ ଥିଲେ । ତେଣୁ ସେ କେବଳ ଶ୍ରୀକୃଷ୍ଣ ଓ ଅର୍ଜୁନଙ୍କ ବାର୍ତ୍ତାଳାପ ଶୁଣି ନ ଥିଲେ, ସଞ୍ଜୟ ଓ ଧୃତରାଷ୍ଟ୍ରଙ୍କର ମଧ୍ୟରେ ହୋଇଥିବା କଥୋପକଥନ ମଧ୍ୟ ଶୁଣି ପାରିଥିଲେ । ସେଥିପାଇଁ ସେ ଉଭୟ ବାର୍ତ୍ତାଳାପକୁ ଭଗବଦ୍ ଗୀତା ସଙ୍କଳନର ଅନ୍ତର୍ଭୁକ୍ତ କରିଥିଲେ ।

« Prev verse

Next verse »

18. ମୋକ୍ଷ ସନ୍ୟାସ ଯୋଗ

‹ ଅଧ୍ୟାୟ 18

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78