Bhagavad Gita: Chapter 1, Verse 15

పాంచజన్యం హృషీకేశో దేవదత్తం ధనంజయః ।
పౌండ్రం దధ్మౌ మహాశంఖం భీమకర్మా వృకోదరః ।। 15 ।।

పాంచజన్యం — పాంచజన్యం అని పేరు గల శంఖము; హృషీక-ఈశః — శ్రీ కృష్ణుడు (మనస్సు, ఇంద్రియముల అధిపతి); దేవదత్తం — దేవదత్తం అని పేరు గల శంఖము; ధనం-జయః — అర్జునుడు, ధనమును జయించేవాడు; పౌండ్రం — పౌండ్రం అని పేరుగల శంఖము; దధ్మౌ — పూరించెను; మహాశంఖం — ఒక బ్రహ్మాండమైన శంఖమును; భీమ-కర్మా — అత్యంత కష్ట మైన పనులను చేయునట్టి; వృక-ఉదరః — భీముడు (గొప్పగా భుజించేవాడు).

Translation

BG 1.15: హృషీకేశుడు 'పాంచజన్యం' అనబడే శంఖాన్ని పూరించాడు. అర్జునుడు దేవదత్తాన్ని పూరించాడు. గొప్పగా భుజించే వాడు, అత్యంత కష్టమైన పనులను చేయునట్టి భీముడు 'పౌండ్రం' అనబడే బ్రహ్మాండమైన శంఖమును పూరించెను.

Commentary

శ్రీ కృష్ణుడికి వాడబడిన 'హృషీకేశః' అన్న పదం, ఆయన మనస్సు మరియు ఇంద్రియములకు అధిపతి అని సూచిస్తుంది. శ్రీ కృష్ణుడు తన యొక్క, మరియు అందరి యొక్క మనసు, ఇంద్రియములకు సర్వోన్నత అధిపతి. తన అద్భుతమైన లీలలను ఈ భూగోళం మీద ప్రదర్శించేటప్పుడు కూడా తన మనస్సు, ఇంద్రియముల పై కృష్ణుడు, పూర్తి స్థాయిలో నియంత్రణ కలిగిఉన్నాడు.