Bhagavad Gita: Chapter 11, Verse 6

పశ్యాదిత్యాన్ వసూన్ రుద్రాన్ అశ్వినౌ మరుతస్తథా ।
బహూన్యదృష్టపూర్వాణి పశ్యాశ్చర్యాణి భారత ।। 6 ।।

పశ్య — తిలకించుము; ఆదిత్యాన్ — అదితి పుత్రులు (పన్నెండుగురు); వసూన్ — వసువులు (ఎనిమిది మంది); రుద్రాన్ — రుద్రులు (పదకొండుగురు); అశ్వినౌ — ఇద్దరు అశ్వినీ కుమారులు; మరుతః — మరుత్తులు (నలభైతొమ్మిది); తథా — మరియు; బహూని — చాలా; అ-దృష్ట — ఎప్పుడూ కనిపించని; పూర్వాణి — ఇంతకు క్రితం; పశ్య — తిలకించుము; ఆశ్చర్యాణి — ఆశ్చర్యము గోలిపేవి; భారత — అర్జునా, ఓ భరత వంశస్థుడా.

Translation

BG 11.6: నాలో పరికించుము ఓ భరత వంశీయుడా, (పన్నెండుగురు) అదితి పుత్రులను, (ఎనిమిది మంది) వసువులను, (పదకొండు) రుద్రులను, (ఇద్దరు) అశ్వినీ కుమారులను, అంతే కాక, (నలభైతొమ్మిది) మరుత్తులు మరియు మరెన్నెన్నో ఇంతకు పూర్వం తెలియపరచబడని అద్భుతములను కూడా చూడుము.

Commentary

భగవంతుని విశ్వ రూపము కేవలం భూలోకంలో ఉన్న అద్భుతాలే కాక పైలోకాల్లో ఉన్న అద్భుతాలను కూడా కలిగి ఉంటుంది; ఈ విధంగా అన్నీకూడి ఉన్న స్వరూపము ఇంతకూ మునుపు ఎప్పుడూ దర్శించబడలేదు. దేవతలు తన దివ్య స్వరూపము లోని అతిచిన్న భాగములే అని కూడా చెప్తున్నాడు; పన్నెండుగురు ఆదిత్యులను, ఎనిమిదిమంది వసువులను, పదకొండుగురు రుద్రులను, ఇద్దరు అశ్వినీ కుమారులను మరియు నలభైతొమ్మిది మరుత్తులను తనయందే చూపిస్తున్నాడు.

అదితి యొక్క పన్నెండుగురు పుత్రులు వీరే: ధాత, మిత్ర, ఆర్యమ, శక్ర, వరుణ, అంశ, భగ, వివస్వన, పుష, సవిత, త్వష్ట, వామన. ఎనిమిది (అష్ట) వసువులు వీరే : దార, ధ్రువ, సోమ, ఆహ, అనిల, అనల, ప్రత్యూష, ప్రభాస.

పదకొండు మంది రుద్రులు వీరే: హర, బహురూప, త్రయంబక, అపరాజిత, వృసకపి, శంభు, కాపర్ది, రైవత, మృగవ్యాధ, సర్వ, కపాలి. ఇద్దరు అశ్విని కుమారులు అనేవారు కవలలైన దేవతా వైద్యులు.

నలభైతొమ్మిది మరుత్తులు (వాయు దేవతలు) వీరే: సత్త్వజ్యోతి, ఆదిత్య, సత్యజ్యోతి, తిర్యగ్జ్యోతి, సజ్యోతి, జ్యోతిష్మన, హరిత, రితజిత, సత్యజిత, సుశేణ, సేనాజిత, సత్యమిత్ర , అభిమిత్ర, హరిమిత్ర, కృత, సత్య, ధృవ, ధార్త, విధార్త, విధరాయ, ధ్వాంత, ధుని, ఉగ్ర, భీమ, అభియు, సాక్షిప, ఇద్రిక, అన్యద్రిక, యద్రిక, ప్రతికృత, ఋక్, సమితి, సంరంభ, ఇద్రిక్ష, పురుష, అన్యద్రిక్ష, చేతస, సమిత, సమిద్రిక్ష, ప్రతిద్రిక్ష, మారుతి, సరత, దేవ, దిశ, యజుః, అనుద్రిక, సమ, మానుష మరియు విష.