Bhagavad Gita: ଅଧ୍ୟାୟ 11, ଶ୍ଲୋକ 31

ପରବର୍ତ୍ତୀ »

ଆଖ୍ୟାହି ମେ କୋ ଭବାନୁଗ୍ରରୂପୋ
ନମୋଽସ୍ତୁ ତେ ଦେବବର ପ୍ରସୀଦ ।
ବିଜ୍ଞାତୁମିଚ୍ଛାମି ଭବନ୍ତମାଦ୍ୟଂ
ନ ହି ପ୍ରଜାନାମି ତବ ପ୍ରବୃତ୍ତିମ୍ ।।୩୧।।

ଆଖ୍ୟାହି - ଦୟାକରି କୁହନ୍ତୁ; ମେ - ମୋତେ; କଃ- କିଏ; ଭବାନ୍ - ଆପଣ; ଉଗ୍ରରୂପଃ - ଭୟଙ୍କର ରୂପ; ନମଃ ଅସ୍ତୁ - ମୁଁ ପ୍ରଣାମ କରୁଛି; ତେ -ଆପଣଙ୍କୁ; ଦେବବର- ଦେବତାମାନଙ୍କ ମଧ୍ୟରେ ପ୍ରଧାନ; ପ୍ରସୀଦ - ଦୟା କରନ୍ତୁ; ବିଜ୍ଞାତୁମ୍ - ଜାଣିବାକୁ; ଇଚ୍ଛାମି - ମୁଁ ଇଚ୍ଛା କରେ; ଭବନ୍ତମ୍ - ଆପଣଙ୍କୁ; ଆଦ୍ୟଂ - ଆଦି; ନ-ନୁହେଁ; ହି - ନିଶ୍ଚିତଭାବେ; ପ୍ରଜାନାମି - ବୁଝିପାରିବି; ତବ - ଆପଣଙ୍କର; ପ୍ରବୃତ୍ତିମ୍ - ଉଦ୍ଦେଶ୍ୟ ।

ଅନୁବାଦ

BG 11.31: ହେ ଭୟଙ୍କର ରୂପଧାରୀ! ଆପଣ କିଏ ମୋତେ କୁହନ୍ତୁ । ହେ ଦେବଦେବ! ମୁଁ ଆପଣଙ୍କ ସମ୍ମୁଖରେ ନତମସ୍ତକ ହେଉଛି, ଦୟାକରି ମୋତେ ଆପଣଙ୍କର କୃପା ପ୍ରଦାନ କରନ୍ତୁ । ଆପଣ, ଯିଏ ସମସ୍ତ ସୃଷ୍ଟିର ପୂର୍ବରୁ ବିଦ୍ୟମାନ ଥିଲେ, ମୁଁ ଜାଣିବାକୁ ଚାହୁଁଛି ଆପଣ କିଏ, କାରଣ ଆପଣଙ୍କର ସ୍ୱଭାବ ଏବଂ କାର୍ଯ୍ୟକଳାପକୁ ମୁଁ ଆକଳନ କରି ପାରୁନାହିଁ ।

ଭାଷ୍ୟ

ପୂର୍ବରୁ ଅର୍ଜୁନ ଭଗବାନର ବିଶ୍ୱରୂପ ଦେଖିବାକୁ ଅନୁରୋଧ କରିଥିଲେ । ଯେତେବେଳେ ଶ୍ରୀକୃଷ୍ଣ ତାହା ପ୍ରଦର୍ଶନ କଲେ, ଅର୍ଜୁନ ଚକିତ ଓ ଅଶାନ୍ତ ହୋଇ ପଡ଼ିଲେ । ଏକ ସମ୍ପୂର୍ଣ୍ଣ ଅବିଶ୍ୱାସନୀୟ ବ୍ରହ୍ମାଣ୍ଡୀୟ ଚମତ୍କାର ଦେଖିବା ପରେ, ସେ ବର୍ତ୍ତମାନ ଶ୍ରୀକୃଷ୍ଣଙ୍କର ପ୍ରକୃତ ସ୍ୱଭାବ ଓ ଉଦ୍ଦେଶ୍ୟ ଜାଣିବାକୁ ଚାହୁଁଛନ୍ତି । ଏଣୁ ସେ ଏହି ପ୍ରଶ୍ନ କରୁଛନ୍ତି, “ଆପଣ କିଏ ଏବଂ ଆପଣଙ୍କର ଉଦ୍ଦେଶ୍ୟ କ’ଣ?

« Prev verse

Next verse »

11. ବିଶ୍ୱରୂପ ଦର୍ଶନ ଯୋଗ

‹ ଅଧ୍ୟାୟ 11 ›

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55